套裝包括﹕
- 燦道樂 - 原個蛋糕(5寸) x 1個
- 燦子章魚燒 - 件裝蛋糕X 1件
- 富士山下的燦子 - 件裝蛋糕X 1件
【燦道樂(5吋) 】
海鮮都能變甜品！遊大阪必食嘅螃蟹料理化身成螃蟹造型原個蛋糕，紅色嘅蟹身係朱古力噴砂，外型睇起嚟充滿質感。蛋糕內層為白朱古力慕絲包住芒果柚子慕絲同原味牛油蛋糕，微酸嘅夏日果香，平衡咗白朱古力嘅甜膩，令味道更為豐富。配上朱古力蟹鉗同蟹腳，Q版螃蟹造型簡直可愛到爆炸。SHO-CHAN嘅浮誇表情話你知「燦道樂」真係超人氣呀！
【燦子章魚燒】
草莓配搭朱古力，甜甜嘅章魚燒反轉呢款傳統小食嘅食法。噴砂表面呈現章魚燒本身嘅粗糙質感，內層為香甜嘅草莓慕絲夾著草莓果醬同原味海綿蛋糕，面層沾上朱古力鏡面、再配白朱古力、綠茶粉同杏仁粒裝飾，以模仿章魚燒上嘅醬汁、海苔粉同木魚碎，逼真嘅章魚燒造型連SHO-CHAN睇見都雙眼發光。
【富士山下的燦子】
大自然嘅獨有魅力令SHO-CHAN相當興奮，以富士山為設計藍本，粉藍色嘅外層沾上白朱古力鏡面，捕捉咗雪山最靚嘅一面，QQ造型令童心大爆發。蛋糕內層為白朱古力慕絲包住草莓果醬營造流心效果，夾有紅寶石朱古力脆珠，咬落脆卜卜，層次分明口感非常豐富。
燦子遊東瀛﹕
