套裝包括﹕
- 燦子月球大本營 - 原個蛋糕(4.5寸) x 1個
- 燦子宴客 - 件裝蛋糕X 1件
- KUMA一飛沖天 - 件裝蛋糕X 1件
【燦子月球大本營 (4.5吋) 】
明亮嘅月亮黃加埋表面嘅小洞洞，月球造型實在太可愛啦！蛋糕主調為玄米茶慕絲，茶味清澈帶點點米香，裡面夾有綠茶海棉蛋糕同柚子啫喱，柚子嘅柑橘香氣中和綠茶嘅苦澀，而綠茶又能夠提升柚子嘅酸甜味道，天衣無縫嘅配搭令口感層次更為豐富。面層以雲朵同朱古力祥雲點綴，再配上燦子小膠夾同燦子膠片書籤，多添一份童趣。
**燦子小膠夾同膠片書籤洗淨後可以收藏。
【燦子宴客】
粉藍色嘅星星造型令人愉悅，充滿唯美感。蛋糕內層係輕盈細膩嘅白桃慕絲，間以原味海綿蛋糕同白桃果肉，清甜嘅桃香氣息縈繞味蕾，甜而不膩，令人回味無窮。蛋糕面層附有燦子「過門都係客」膠片書籤同朱古力流星裝飾點綴，同宴客主題互相呼應。
**燦子膠片書籤洗淨後可以收藏。
【KUMA一飛沖天】
可愛嘅粉紅星星造型非常吸睛，俾人一種夢幻嘅感覺。蛋糕內層係柔軟綿密嘅士多啤梨慕絲，間以士多啤梨海綿蛋糕同士多啤梨果蓉，酸甜適中嘅士多啤梨果香為蛋糕增添唔少趣味。蛋糕面層有燦子最Friend嘅玩伴KUMA膠片書籤同朱古力流星裝飾點娺，準備好同KUMA一飛沖天嗎？
**KUMA膠片書籤洗淨後可以收藏。
跟燦子一齊星際遊﹕
